കുന്നോത്തും പടിയൂരും ചെണ്ടുമല്ലി വിളെടുപ്പ് നടത്തി

ഇരിട്ടി: പായം പഞ്ചായത്തിലെ കുന്നോത്തും, പടിയൂരും ചെണ്ടുമല്ലി കൃഷിയുടെ വിളവെടുപ്പ് ഉത്സവം നടത്തി. കുന്നോത്ത് സെൻറ് ജോസഫ്‌സ് യു പി സകൂളിൽ ചെണ്ടുമല്ലി വിളവെടുപ്പ് പായം ഗ്രാമ പഞ്ചായത്ത് പ്രസിഡന്റ് പി .രജനി ഉദ്ഘാടനം ചെയ്തു. പ്രധാനധ്യാപകൻ മാത്യു ജോസഫ് അധ്യക്ഷത വഹിച്ചു. വാർഡ് അംഗങ്ങളായ മുജീബ് കുഞ്ഞിക്കണ്ടി, ഷൈജൻ ജേക്കബ്,ബിജു കോങ്ങാടൻ, പി.എൻ. ജെസി,പി ടി എ പ്രസിഡന്റ് കെ.എം. സിനു ,വൈസ് പ്രസിഡന്റ് വിശാഖ് വിജയൻ, അംഗങ്ങളായ കെ. രാജേഷ് ,എം. നൗഷാദ് അധ്യാപകരായ ടി. ത്രേസ്യാമ, ജി. ബിന്ദു, എൻ. മാണി, ബ്യൂട്ടി ജേക്കബ്,എ. ഷഹീർ , ജിഷ മാത്യു റോസ്ലിന്റ്, അഞ്ജു മാത്യുഎന്നിവർ പങ്കെടുത്തു.

പടിയൂർ കല്യാട് ഗ്രാമപഞ്ചായത്തിലെ കുയിലൂർ വാർഡിൽ നിളശ്രീ കൃഷിക്കൂട്ടത്തിന്റെ നേതൃത്വത്തിൽ നടത്തിയ ചെണ്ടുമല്ലി കൃഷിയുടെ വിളവെടുപ്പ് ഗ്രാമപഞ്ചായത്ത് പ്രസിഡന്റ് ബി. ഷംസുദ്ദീൻ നിർവഹിച്ചു. വാർഡ് അംഗം കെ. ശോഭന അധ്യക്ഷയായി. കൃഷിക്കൂട്ടം അംഗങ്ങളും പങ്കെടുത്തു.