ഗെയില്‍ പദ്ധതി സാക്ഷാത്ക്കാരത്തിനുണ്ടായിരുന്ന പ്രതിബന്ധങ്ങളെ എല്ലാവരും ഒറ്റക്കെട്ടായി ചെറുത്തുവെന്ന് പ്രധാനമന്ത്രി നരേന്ദ്രമോദി വിലയിരുത്തി. കേരളത്തിനു കര്‍ണാടകയ്ക്കും ഇന്ന് ഒരുപോലെ നിര്‍ണ്ണായകമായ ദിവസമാണെന്നും ഇരു സംസ്ഥാനങ്ങള്‍ക്കും നന്ദിയുണ്ടെന്നും പ്രധാനമന്ത്രി പറഞ്ഞു. പൈപ്പ് ഇരുസംസ്ഥാനങ്ങള്‍ക്കും സാമ്പത്തികപുരോഗതി കൊണ്ടുവരുമെന്നും നികുതി വരുമാനം വര്‍ധിക്കുമെന്നും പ്രധാനമന്ത്രി വിശദീകരിച്ചു.
മുഖ്യമന്ത്രി പിണറായി വിജയന്റെ സഹകരണമില്ലായിരുന്നുവെങ്കില്‍ ഈ പദ്ധതി യാഥാര്‍ഥ്യമാകുമായിരുന്നില്ലെന്ന് ധര്‍മ്മേന്ദ്ര പ്രധാന്‍ പറഞ്ഞു. ഇത് ഫെഡറലിസത്തിന്റെ മികച്ച മാതൃകയാണെന്നും അദ്ദേഹം പ്രശംസിച്ചു. ഗെയില്‍ പദ്ധതിയിലൂടെ സംസ്ഥാനത്തെ ജനങ്ങളുടെ ജീവിതനിലവാരം മെച്ചപ്പെടുമെന്നായിരുന്നു മുഖ്യമന്ത്രി പിണറായി വിജയന്റെ പ്രതികരണം. സര്‍ക്കാര്‍ വാക്കുപാലിച്ചെന്നും സംയുക്തസംരംഭം ഫലം കണ്ടതില്‍ അതിയായ സന്തോഷമുണ്ടെന്നും അദ്ദേഹം കൂട്ടിച്ചേര്‍ത്തു.
Post a Comment