പ്രമുഖ ടെക്‌നോക്രാറ്റായ കെ.പി.പി.നമ്പ്യാര്‍ ഇലക്ട്രോണിക്‌സ് വ്യവസായ രംഗത്ത് കേരളത്തിന് നല്‍കിയ സംഭാവന വിലമതിക്കാനാവാത്തതാണ്. കെല്‍ട്രോണിന്റെ സ്ഥാപക ചെയര്‍മാന്‍ എന്ന നിലയിലും ടെക്‌നോപാര്‍ക്കിന്റെ പ്രഥമ പദ്ധതി നിര്‍വഹണ ചെയര്‍മാന്‍ എന്നീ നിലയിലും അദ്ദേഹം സേവനമനുഷ്ഠിച്ചിട്ടുണ്ട്. കെല്‍ട്രോണ്‍ എന്ന ബ്രാന്‍ഡിന് നല്‍കിയ സംഭാവനകള്‍ പരിഗണിച്ചാണ് കണ്ണൂര്‍ കെല്‍ട്രോണ്‍ കോമ്പൗണ്ടില്‍ അദ്ദേഹത്തിന് അന്ത്യവിശ്രമം ഒരുക്കിയത്.
ഇലക്ട്രോണിക്‌സ് ലാബ്, കെമിക്കല്‍ ലാബ്, മെക്കാനിക്കല്‍/ മെറ്റീരിയല്‍ ലാബ്, ഇലക്ട്രോണിക്‌സ് ഡിജിറ്റല്‍ ലൈബ്രറി എന്നിവ ഗവേഷണ വികസന കേന്ദ്രത്തിന്റെ ഭാഗമായി തയ്യാറാക്കുന്നുണ്ട്. രണ്ട് കോടി രൂപയാണ് പദ്ധതി ചെലവ്. 20 ലക്ഷം രൂപയുടെ ഉപകരണങ്ങള്‍ ഇതിനോടകം വാങ്ങിക്കഴിഞ്ഞു. ഈ വര്‍ഷം അവസാനം നിര്‍മ്മാണം പൂര്‍ത്തിയാക്കാനാണ് ലക്ഷ്യമിടുന്നത്.
Post a Comment